Plantun de Prouvènço

Pèr coumpara dos planto d'encò nostre

Brassica elongata subsp. integrifolia & Myosotis arvensis

Brassica elongata subsp. integrifolia

Brassicaceae Cruciferae

Noms en français : Chou à feuilles entières, Chou élancé.

Descripcioun :
Lou caulet-afiela que trachis au nostre es uno planto di proun raro, marcado sus listo roujo, CR (valènt-à-dire en dangié criti). Se pòu trouba sus marlo e gip dins lou relarg d'Ate. La subsp. presento, que la tassounoumìo es enca discutido, a li fueio entiero e uno longo cambo.

Usanço :
Couneissèn pas d'usanço particuliero, pamens estènt un caulet, dèu èstre manjadis. Coume es apara lou miés èi de lou regarda.

Port : Grando erbo
Taio : 0,5 à 1 m
Fueio : alterno
Tipe bioulougico : Emicriptoufite
Cicle bioulougico : Renadivo mounoucarpico

Gènre : Brassica
Famiho : Brassicaceae
Famiho classico : Cruciferae

Ordre : Brassicales

Coulour de la flour : Jauno
Petalo : 4
Ø (o loungour) flour : 0,8 à 1 cm
Flourido : Printems

Sòu : Ca
Autour basso e auto : 220 m
Aparado : Noun
Abriéu à Jun

Liò : Marlo - Gip
Estànci : Mesoumediterran
Couroulougi : Éurasiatico
Ref. sc. : Brassica elongata subsp. integrifolia (Boiss.) Breistr., 1942 (= Brassica elongata Ehrh., 1792 )

Te-vese-e-t'ame(-de-champ)

Myosotis arvensis

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Noms en français : Myosotis des champs, Myosotis intermédiaire.

Descripcioun :
Aquéu te-vese-e-t'ame trachis di plano de coustiero fin qu'en mountagno. Es uno planto coumuno, mai pas toujour eisado de destria de si cousino. Dins lou group di flour pichoto (1 à 4 mm), soun pulèu li mai grando, si cambo soun un pau mai espésso (> 1mm), e emé d'enflourejado que fan mens de la mita de la planto. Se recounèis classicamen que li pecou di flour d'en bas dèvon èstre dous cop mai long que li sepalo di flour, mai sèmblo pas toujour lou cas.

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").